Праваслаўная прапаганда прывяла да ачмурэння

У Маскве праваслаўны фанатык забіў сваю маці, двух сваіх дзяцей і спрабаваў забіць жонку.

Расійскія СМІ паведамляюць падрабязнасці: мужчына 40 гадоў нідзе не працаваў, зачытваўся праваслаўнай літаратурай, у сваім пакоі трымаў вялікі праваслаўны іканастас.

Забіўшы старэйшага сына, які вярнуўся са школы, а потым сваю маці, што прывяла малодшую дачку з дзіцячага садка, фанатык пайшоў сустракаць жонку з працы.

Тая потым расказвала, што па дарозе дамоў ён паўтараў: "Знаешь, как в раю хорошо! Дети и мама уже там, а ты хочешь в рай?" Прыйшоўшы дамоў, ён паласнуў яе нажом па горле, але яна ўцякла.

Сваім ахвярам праваслаўны забойца склаў рукі крыж-накрыж і зверху паклаў іконкі.

Нагадаем, што трагедыя адбылася на фоне нядаўняй актывізацыі праваслаўных іерархаў і актывістаў, якія заяўляюць пра прэтэнзіі праваслаўнай царквы больш прысутнічаць у расійскім грамадстве.

Таксама, за тыдзень да гэтага ў Маскве прагрымела іншая трагедыя - расстрэл супрацоўнікам аптэчнай кампаніі шасці сваіх саслужыўцаў.

У маніфесце, які ён апублікаваў, гаворыцца: "Я ненавижу человеческое общество, и мне противно быть его частью! Я ненавижу саму эту жизнь!"


На фота: іканастас праваслаўнага забойцы.