Латвія: дзясяткі інтэгруем, тысячы - не

На паседжанні парламенцкай камісіі латвійскага Сейму некаторыя дэпутаты выказалі боязь з нагоды легальнай і нелегальнай міграцыі прадстаўнікоў іншых культур і рэлігій.

Народныя выбраннікі мяркуюць, што ў сувязі з гэтым могуць узнікнуць праблемы з інтэграцыяй.

У прыватнасці, дэпутат Яніс Адамсонс цікавіўся, ці пагадзілася Латвія ужо прыняць тысячы бежанцаў з Сірыі, краін Блізкага Ўсходу і Паўночнай Афрыкі.

Прадстаўнікі МУС і Ўпраўлення па справах грамадзянства і міграцыі далі на гэта адмоўны адказ і запэўнілі, што ніхто не можа прымусіць Латвію прыняць бежанцаў.

"У нас ёсць асобныя геніі, якія могуць на гэта пагадзіцца", - парыраваў Адамсонс.

Ён таксама нагадаў, што на сённяшні дзень краіны Заходняй Еўропы ўжо прызналі правальнай праграму інтэграцыі прадстаўнікоў іншых культур, аднак ёсць надзея, што з часам інтэгравацца змогуць толькі ўнукі бежанцаў.

Парламентарый лічыць, што ў тым выпадку, калі ў Латвію ўедуць тысячы бежанцаў, краіна сутыкнецца з шэрагам сур'ёзных праблем. Адамсонс заявіў, што Латвія ў сілах інтэграваць дзясяткі прыезджых, але не тысячы.

Акрамя таго, дэпутат адзначыў, што ў яго няма ніякіх пярэчанняў адносна мусульманаў, якія пражываюць на тэрыторыі Латвіі.

Ён распавёў, што ведае латышоў, якія прынялі іслам, і лічыць "цалкам правільным", што латвійскія мусульмане не павінны прымаць хрысціянскія каштоўнасці, але могуць свабодна практыкаваць сваю рэлігію.