Сем штатаў ЗША хочуць незалежнасці

Злучаныя Штаты Амерыкі могуць пазбавіцца сямі штатаў.

Жыхары Тэхаса, Луізіяны, Фларыды, Джорджыі, Тэнэсі, Алабамы і Паўночнай Караліны сабралі неабходную колькасць подпісаў пад анлайн-петыцыяй аб выхадзе з складу ЗША і здабыцці незалежнасці.

Яшчэ больш за 30 штатаў ўдзельнічалі ў распачатым адразу пасля прэзідэнцкіх выбараў онлайн-галасаванні, але не змаглі пераадолець парог у 25 тысячаў галасоў. Лідэрам руху прадказальна стаў штат Тэхас, дзе адпаведнае жаданне ўжо выказалі больш за 100 тысячаў чалавек.

У гэтым штацесепаратысцкія настроі традыцыйна моцныя. На працягу апошніх 10 год мясцовыя палітыкі на чале з губернатарам Рыкам Пэры не раз казалі аб мэтазгоднасці аддзялення эканамічна стабільнага штата. Тэхас быў незалежнай дзяржавай у 19 стагоддзі і ўвайшоў у ЗША з-за пагрозы мексіканскай акупацыі.

Нагадаем, сур'езныя сепаратысцкія настроі з'явіліся і ў Еўропе. Каталонія і Шатландыя заявілі аб намеры правесці рэферэндумы аб незалежнасці.