Правоў няма, парадак ёсць

Аўтарытэтная міжнародная арганізацыя World Justice Project апублікавала чарговы штогадовы рэйтынг вяршэнства закону.

На тле аднабаковай негатыўнай ацэнкі Беларусі на Захадзе, у ім наша краіны атрымала збольшага аб'ектыўную ацэнку, якая амаль супадае з той, што даюць самі беларусы.

97 краінаў свету ацэньваліся па 8 паказчыках.

Паводле паловы з іх, Беларусь заняла верхнія пазіцыі рэйтынгу і стала адным з лідэраў Усходняй Еўропы. Гэта тычыцца «парадку і бяспекі» (33 месца ў свеце), грамадзянскага правасуддзя (26 месца), рэгулятыўнага праваўжывання (35 месца). Шэраг "дэмакратычных" еўрапейскіх краінаў занялі ніжэйшыя пазіцыі.

Аднак паводле эфектыўнасці заканадаўчага абмежавання паўнамоцтваў ўраду, абароне асноўных правоў і празрыстасці заканадаўства і ўладных структур Беларусь замыкае рэйтынг і займае адпаведна 91, 84 і 87 месцы.

Адзначым, што як афіцыйныя СМІ, так і апазіцыйныя влікай увагі даследванню не надаюць. Напэўна з-за таго, што і тым, і іншым падабаецца толькі палова з яго дадзеных.