У Гомелі еменец "атрымаў" за іарданца

Каля цэнтру "Еўропа" гамельчукі збілі грамадзянаў Емену, Іарданіі і Палестыны.

Як распавёў студэнт Гомельскага медыцынскага ўніверсітэту, грамадзянін Емену Салах Махамэд 18 лістапада разам з братам (студэнтам падрыхтоўчага аддзялення) зайшоў у цэнтр "Еўропа", дзе ўбачыў, як чацвёра мясцовых хлопцаў білі дваіх студэнтаў з Іарданіі і Палестыны.

"Яны толькі прыехалі вучыцца і яшчэ не ведаюць расійскай мовы. Мясцовыя ж крычалі на іх і білі, прычым было відавочна, што ярданец і палестынец не разумеюць, чаго ад іх хочуць і што наогул адбываецца", — адзначыў Салах.

Папрасіўшы "хуліганаў" не біць хлопцаў і пакінуць іх у спакоі, ён сам атрымаў удар у твар.

"Тады ўжо пачалі біць і нас. Тут прыйшла ахова забаўляльнага цэнтру і папросту выкінулі нас, замежнікаў, за дзверы, а мясцовых пакінулі ў забаўляльным цэнтры", — падкрэсліў замежнік.

У мінулым годзе пасьля бойкі, якая пачалася ў тым жа цэнтры "Еўропа" і працягнулася каля забаўляльнай установы, загінуў студэнт Гомельскага дзяржаўнага ўнівэрсытэту, грамадзянін Турцыі 1985 году нараджэння.

Бойка здарылася на дыскатэцы. У замежнага студэнта ўзнік канфлікт з-за дзяўчыны з іншым маладым чалавекам, грамадзянінам Беларусі.

БелаПАН