Швейцарскія эколагі супраць імігрантаў

Група швейцарскіх абаронцаў навакольнага асяроддзя сабрала дастаткова подпісаў для правядзення нацыянальнага рэферэндуму па пытанні аб іміграцыі.

Група пад назвай Ecopop сцвярджае, што Швейцарыя перанаселеная, а яе прыродныя рэсурсы знаходзяцца пад пагрозай.

Актывісты дамагаюцца ўвядзення лімітаў на рост насельніцтва за кошт іміграцыі на ўзроўні 0,2% у год, а таксама выдзялення 10% замежнай дапамогі на меры па абмежаванні нараджальнасці.

У Швейцарыі пражываюць 8 мільёнаў чалавек, прычым каля чвэрці з іх - замежнікі.

Членам групы ўдалося сабраць пад петыцыяй аб правядзенні рэферэндуму 120 тыс. 700 завераных подпісаў, што нашмат перавышае парог у 100 тысяч, патрэбных канстытуцыяй.

Ecopop сцвярджае, што выступае супраць любых формаў ксенафобіі і расізму, аднак яе ўдзельнікі перакананыя, што краіне неабходна абмежаваць іміграцыю, каб пазбегнуць урбанізацыі і захаваць сельскія ўгоддзі.

"Ад перанаселенасці пакутуюць прырода, ворныя зямлі і сельская мясцовасць, а якасць жыцця бесперапынна пагаршаецца", - заявіў адзін з актывістаў, былы дырэктар міністэрства аховы навакольнага асяроддзя Швейцарыі Філіп Рок

ВВС

http://spring96.org/en/news/58807