Італьянцам мроіцца Мусаліні

Помнік Яну Паўлу II у Рыме адцэнзуравалі.

Першапачатковая версія скульптуры, якую адкрылі ў італьянскай сталіцы у траўні мінулага года, стала прычынай для сур'ёзных спрэчак і супярэчнасцяў.

На думку часткі грамадскасці, твар пяціметровай бронзавай статуі занадта быў падобны да аблічча дыктатара Беніта Мусаліні.

Было прынятае рашэнне змяніць выраз твару Папы на скульптуры, каб пазбавіць яго мусалініеўскай упэўненасці і цвёрдасці.

«Выраз твару абноўленага варыянту помніка выглядае мякчэй, у ім няма уласцівай Мусаліні суровасці», - заявіў аўтар манумента, скульптар Аліў'ера Раінальдзі.

Віну за падабенства да дучэ ўсклалі на рабочых, якія адлівалі статую.