Прускія нацыяналісты на "рускім" маршы

«Рускі марш» у Калінінградзе прайшоў пад прускімі сцягамі.

Пад сцягамі Усходняй Прусіі і Расійскай імперыі ад Рыбнай вёскі да помніка Мікалаю Цудатворцу ў нядзелю, 4 лістапада, прайшлі больш за сотню прыхільнікаў нацыянальнай ідэалогіі і шырокай аўтаноміі Калінінградскай вобласці. Такім чынам калінінградцы далучыліся да агульнарасійскай акцыі «Рускі марш».

Акцыя ў цэнтр горада была санкцыянаваная гарадской адміністрацыяй. Напрыканцы шэсця адбыўся невялікі мітынг.

Уся акцыя прайшла пад пільным кантролем каля 20 супрацоўнікаў паліцыі і дзясятка чалавек у цывільным. Абыйшлося без здарэнняў і затрыманняў.

Арганізатарамі марша выступілі рэгіянальнае аддзяленне Нацыянальна-дэмакратычнай партыі, рэгіянальная арганізацыя «Рускія Калінінграда-Кенігсберга», а таксама Балтыйская рэспубліканская партыя і грамадская арганізацыя «Камітэт грамадскай самаабароны».