Замежным інвестарам пачнуць прадаваць зямлю

Міністр эканомікі Беларусі Мікалай Снапкоў прапануе пачаць у наступным годзе прадастаўленне замежным інвестарам зямельных участкаў у прыватную ўласнасць.
"У 2013 годзе прапануецца вырашыць пытанне прадастаўлення інвестарам зямельных участкаў у прыватную ўласнасць", - сказаў Мікалай Снапкоў, выступаючы ў чацвер у Мінску на пленарным паседжанні Кансультатыўнага савета па замежных інвестыцыях пры ўрадзе Беларусі.

Адзначым, што Аляксандр Лукашэнка да апошняга выступаў супраць прыватнай уласнасці на зямлю і пазыцыянаваў сабе ў якасці абаронцы краіны перад замежным капіталам. Замля прапаноўвалася іншаземным кампаніям максімум ў доўгатэрміновую арэнду.

Важныя прычыны і наступствы такога рашэння.

Яно агучаная ў дзень, калі скончыліся адныя з самых цяжкіх перамоваў з Масквой — па пастаўках нафты. Расія спачатку агучыла, што ў Беларусь паставяць 4,7 тон нафты замест патрабуемых Мінскам 5,5. Пад вечар прэм'ер-міністр Беларусі агучыў ужо новую лічбу — 5 тонаў.

Эксперты месяц гадалі, чым улады расплацяцца за кантрабанду нафтапрадуктаў, з-за якой скараціліся пастаўкі. Высоўваліся меркаванні пра продаж Расіі буйных прадпрыемстваў ці частак ВПК. Ці не сталася агучаная прапанова расплатай за махінацыі з распушчальнікамі?

Калі так, то наступствы відавочныя — інвестары ў Беларусь ідуць толькі з усходу — гэта ці расійскія алігархі ці арабскія шэйхі. Яны і стануць, гледзячы па ўсім, гаспадарамі прададзенай зямлі.