«Чалавек будучыні»: думаць менш, спажываць больш

Брытанскія навукоўцы прадставілі свой варыянт чалавека будучыні.

На іх думку, праз тысячу гадоў людзі будуць вышэй, але іх мозг - менш. Значна падаўжэюць пальцы і рукі. У цэлым, знешнасць будзе прыкметна адрознівацца ад нашых сучаснікаў.

Партрэт сканструявалі на падставе працы шэрагу экспертаў па анатоміі.

На думку спецыялістаў, чалавек будзе мець рост 1,83-2,13 метра. Такую тэндэнцыю навукоўцы тлумачаць паляпшэннем харчавання, а таксама развіццём медыцыны. Па словах брытанскага даследчыка Гары Трэйнера, ужо цяпер амерыканцы ў сярэднім на 2,54 сантыметра вышэй, чым поўстагоддзі таму.

Кішачнік чалавека стане больш кароткім, што дазволіць ўсмоктваць менш тлушчу і цукру. 

Такім чынам арганізм будзе абараняцца ад набору вагі. На думку спецыяліста, зменшыцца можа і колькасць зубоў - мяккая ежа патрабуе менш перажоўвання.

У той жа час, памеры мозгу ў чалавека будучага знізяцца. Гэта будзе абумоўлена, на думку даследчыкаў, тым, што большую частку працы па запамінанні і абдумванні будуць праводзіць кампутары.

Такім чынам, вымалёўваецца новы партрэт «чалавека будучыні», які значна адрозніваецца ад таго, якім яго уяўлялі навукоўцы да і пісьменнікі фантасты раней. Гэта спажывец, які без дапамогі кампутара ня здольны думаць.