Беларус — чэмпіён свету па скачках з парашутам

Алег Фамін стаў абсалютным чэмпіёнам свету ў класічным парашутызме на XXXII чэмпіянаце свету ў гэтым варыянце парашутнага спорту.

Турнір прайшоў ў Дубаі (Аб'яднаныя Арабскія Эміраты).

Алег Фамін заняў трэцяе месца ў дысцыпліне класічнага парашутызму на дакладнасць прызямлення. У індывідуальнай акрабатыцы не трапіў у прызёры, аднак агульная сума балаў за дзве дысцыпліны дазволіла беларусу здабыць тытул абсалютнага чэмпіёна свету.

Беларусы таксама прынялі ўдзел у VI чэмпіянаце свету сярод юніёраў у класічным парашутызме і XV чэмпіянаце свету Міжнароднай авіяцыйнай арганізацыі (FAІ) у купальнай парашутнай акрабатыцы (дысцыпліна чацвёрка-ратацыя), што паралельна праходзіла ў Дубаі ў рамках групы спаборніцтваў першай катэгорыі FAІ.

VI чэмпіянат свету ў класічным парашутызме сярод юніёраў прынёс беларускай камандзе другія месцы ў індывідуальнай акрабатыцы і ў агульным заліку, дзякуючы паспяховаму выступу Іллі Пазнякова і Хрысціны Хлопінай. На XV чэмпіянаце свету ў купальнай акрабатыцы беларусы сталі трэцімі ў чацвёрцы-ратацыі.

Усяго беларускімі парашутыстамі здабыта 11 узнагарод.

За ўсю гісторыю парашутнага спорту чэмпіянаты свету ва ўсіх ягоных варыянтах былі праведзеныя ў адзін час і ў адным горадзе толькі другі разам. Першыя такія спаборніцтвы адбыліся ў 2003 годзе ў французскім Гапэ.

У Дубаі за ўзнагароды змагаліся 1443 спартоўцы з 59 краін свету.

БелТА