Маскоўскія сацыёлагі: 80% беларусаў размаўляюць па-руску

Цікавыя лічбы агучвае ВЦИОМ (Всероссийский центр изучения общественного мнения).

Дырэктар па камунікацыях гэтай буйнейшай сацыялагічнай установы Расіі Вольга Камянчук (Ольга Каменчук) паведаміла, што ў дадзены момант каля 80% беларусаў размаўляюць на рускай мове.

Падчас форуму еўрапейскіх і азіяцкіх СМІ, які адкрыўся ў Менску ў панядзелак, яна таксама адзначыла, што Беларусь застаецца адзінай краінай у СНД, дзе за апошнія гады ўзровень ўжывання рускай мовы не знізіўся.

Самае значнае зніжэнне адзначана на Украіне, заключыла сацыёлаг.

Адзначым, што дадзеныя перапісаў насельніцтва Беларусі 1999 и 2009 гадоў прыводзяць іншыя дадзеныя пра ўжыванне рускай і беларускай моваў у нашай краіне.

Так, паводле апошняга перапісу, рускай мовай карыстаюцца 70% насельніцтва. Пры гэтым, у сваёй большасці — гэта мяшанка рускай і беларускай, так званая трасянка.

Подробнее:http://euroradio.fm/ru/report/v-rossii-pokazhut-retrospektivu-filmov-hashchevatskogo-125533