Поліэтнічны Лондан: белых — менш за палову

З'яўленне сярод шатландскіх стралкоў, якія ахоўваюць Букінгемскі палац, барадатага сікха ў цюрбане кажа пра шмат што.

Пра поліэтнічную брытанскую сталіцу піша Фабіа Кавалера ў італьянскай газеце Corriere della Sera.

25-гадовы Жатэндэрпал Бхулар, сікх, ўвойдзе ў гісторыю Злучанага Каралеўства і манархіі: ён стаў салдатам Шатландскага гвардзейскага палка, аднаго з элітных падраздзяленняў Яе Вялікасці. 

Два дні таму Бхуллар разарваў шматвяковую традыцыю - натуральна, са згоды ваеннага кіраўніцтва і каралевы Лізаветы, Вярхоўнага галоўнакамандуючага Узброеных сіл Вялікабрытаніі.

Хто б мог чакаць, што перад каралеўскім палацам з'явіцца узброены каравульны у цюрбане на галаве замест традыцыйнай мядзведжай шапкі? З іншага боку, які сэнс у шматэтнічным грамадстве не дазваляць яму насіць цюрбан і прымушаць яго стрыгчы бараду і валасы, як належыць паводле статуту? Бо гаворка ідзе аб новай Вялікабрытаніі: краіна стала меней белай, больш міжэтнічнай, больш мусульманскай, больш атэістычнай.

Аналітыкі кажуць аб з'яўленні "пакалення Джэсікі Эніс": гэта маладыя людзі, чые бацькі былі замежнікамі, а сёння яны маюць трывалыя карані ў Вялікабрытаніі, як алімпійская чэмпіёнка па сямібор'i Джэсіка Эніс.

У 2011 годзе белых брытанцаў было 86% ад усёй колькасці насельніцтва краіны, што на 5% менш, чым у 2001 годзе. Індусы - самыя шматлікія, за імі ідуць палякі і пакістанцы, расце і нямецкая супольнасць.

У сталіцы белыя брытанцы ўжо ў меншасці, іх 45%, а яшчэ 10 гадоў таму было 59,8%. Мільён афрыканцаў і выхадцаў з карыбскіх краін, паўтара мільёна азіятаў, 100 тысячаў арабаў, 405 тысячаў тых, хто адносіць сябе да "змяшанай расы", 1750 тысячаў прадстаўнікоў іншых этнічных груп і 3,7 млн белых брытанцаў.

На фота:  Жатэндэрпал Бхулар (справа);  Джэсіка Эніс.